आदर्शगाव कुरवंडीत महिलांना प्रशिक्षण

मंचर, ता.२३ : आदर्शगाव कुरवंडी (ता. आंबेगाव) येथे इंडिगो सीएसआर पुरस्कृत व अफार्म संस्था, पुणे तसेच कृषी विज्ञान केंद्र, नारायणगाव यांच्या संयुक्त विद्यमाने “ग्रामीण महिला उपजीविका सक्षमीकरण प्रकल्प फेज २” अंतर्गत ‘महिला उद्योजिका कौशल्य वृद्धी प्रशिक्षण’ देण्यात आले.
प्रशिक्षणात ३५ महिला उद्योजक सहभागी झाल्या. कृषी विज्ञान केंद्राचे शास्त्रज्ञ डॉ. धनेश पडवळ यांनी गायींच्या जातीची निवड, मुक्त गोठा व्यवस्थापन, चारा नियोजन तसेच एच.एफ. व जर्सी गाईंसाठी सेक्स सॉर्टेड सिमेनचा वापर आदी विषयांवर मार्गदर्शन केले. यावेळी उपस्थित केलेल्या विविध प्रश्नांना पडवळ यांनी समर्पक उत्तरे दिली.
अफार्म संस्थेचे वरिष्ठ पशुधन अधिकारी हनुमंत दुधाणे यांनी सूत्रसंचालन केले. प्रभाग व्यवस्थापक प्रदीप तांबे यांनी आभार मानले. प्रेरणा सखी आशा गटे यांनी व्यवस्था पाहिली.
14162