दुसऱ्या दिवशीही मंचरला अर्ज नाही

मंचर, ता.११ : येथील नगरपंचायत पंचवार्षिक सार्वत्रिक निवडणूक प्रथमच होत आहे. या पार्श्वभूमीवर येथील निवडणुकीकडे सर्वांचे लक्ष लागून राहिले आहे. येथे दुसऱ्यादिवशी मंगळवारी (ता.११) एकही उमेदवारी अर्ज दाखल झाला नाही ."अशी माहिती मंचर नगरपंचायत निवडणूक निर्णय अधिकारी अंजली कुलकर्णी व सहाय्यक निवडणूक निर्णय अधिकारी तथा मुख्याधिकारी गोविंद जाधव यांनी दिली.
सध्या सर्वच पक्षात इच्छुकांची संख्या अधिक असल्याने उमेदवारी देताना पक्षश्रेष्ठींची दमछाक होत असल्याचे चित्र आहे. एका पक्षाने नाकारले तर दुसऱ्या पक्षामार्फत निवडणूक लढवण्याचे नियोजनही काही उमेदवार व त्यांच्या समर्थकांनी केल्याची चर्चा सुरू आहे.