श्रवणयंत्रासाठी शरयू निघोट यांना आर्थिक मदत

मंचर, ता. १२ : सामाजिक बांधिलकी जपत युनिटी चेंज फाउंडेशनच्या वतीने निघोटवाडी (ता. आंबेगाव) येथील शरयू निघोट यांना श्रवणयंत्र खरेदीसाठी पंधरा हजार रुपयांचा धनादेश देण्यात आला.
धनादेश फाउंडेशनचे संचालक शिवाजी दोरजकर यांच्या उपस्थितीत सुपूर्त करण्यात आला. यावेळी आंबेगाव, जुन्नर आणि खेड तालुक्यांचे फाउंडेशन प्रतिनिधी समीर निघोट व गणेश बोऱ्हाडे उपस्थित होते.
शरयू निघोट यांच्या वैद्यकीय गरजेसाठी मदतीचा हात देऊन फाउंडेशनने सामाजिक जबाबदारीचे उत्कृष्ट उदाहरण घालून दिले आहे.