मंचरच्या भरवस्तीतून मोटारसायकलची चोरी

मंचर, ता. ४ : मंचर शहरात भरवस्तीत असलेल्या जुना गणपती कारखान्याजवळ राजलक्ष्मी अपार्टमेंटमधून अनिल शंकर चव्हाण यांच्या मालकीची दुचाकी मोटारसायकल चोरीला गेली आहे. सीसीटीव्ही कॅमेऱ्यात चोरटा कैद झाला असून चोरट्याचा शोध मंचर पोलिस घेत आहेत.
श्री दत्त जयंती निमित्त मंचर कृषी उत्पन्न बाजार समितीच्या आवारात चव्हाण हे गुरुचरित्र पारायण सोहळ्यास गेले होते. त्यांनी राजलक्ष्मी अपार्टमेंट मोटारसायकल उभी केली होती. मोटारसायकलचा सर्वत्र शोध घेतला पण मिळाली नाही. दरम्यान, बुधवारी (ता.३) चव्हाण यांनी मोटारसायकल चोरीची फिर्याद मंचर पोलिस ठाण्यात दाखल केली आहे. सीसीटीव्ही फुटेज च्या आधारे चोरट्याचा शोध मंचर पोलिसांनी सुरू केला आहे.