हुलकावणी देणारा बिबट्या अवसरीमध्ये अखेर जेरबंद
मंचर, ता. १४ : कौलीमळा–अवसरी खुर्द (ता. आंबेगाव) येथे मंचर वनपरिक्षेत्र कार्यालयाने लावलेल्या पिंजऱ्यात बुधवारी (ता.१४) पहाटे बिबट्या जेरबंद झाला. गेली पावणे दोन महिने बिबट्या पिंजऱ्याला हुलकावणी देत होता. बिबट्या जेरबंद झाल्यामुळे परिसरात राहणाऱ्या नागरिकांनी समाधान व्यक्त केले.
कौलीमळा येथील रवींद्र वाळके यांच्या घरासमोरील वरांड्यात ता.१८ नोव्हेंबर २०२५ रोजी तीन बिबटे सीसीटीव्ही कॅमेऱ्यात कैद झाले होते. त्यानंतर तिथे पिंजरा लावला अनेकदा बिबट्या पिंजऱ्याजवळ आला पण त्याने पिंजऱ्यात प्रवेश केला नाही. बिबट्याचा वावर वाढल्याने नागरिक भयभीत झाले होते.
दीड ते दोन वयाचा नर बिबट्या आहे, अशी माहिती मंचर वनपरिक्षेत्र अधिकारी विकास भोसले यांनी दिली.
अवसरी खुर्द परिसरात अजूनही बिबटे व चार बछडे आहेत. त्यांचे अनेकांना दर्शन होत आहे. यापार्श्वभूमीवर वनखात्याने बिबट्यांना जेरबंद करण्यासाठी पिंजरे लावावेत, अशी मागणी अवसरी खुर्द ग्रामपंचायतीचे माजी सरपंच जगदीश अभंग यांनी केली आहे.
15003
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.