बारामतीची रेश्मा पुणेकर करणार चीनमध्ये नेतृत्व

मोरगाव, ता. २६ : तरडोली (ता. बारामती) गावची रहिवासी असणारी रेश्मा पुणेकर चीन देशात भारतीय महिला बेसबॉल संघाचे नेतृत्व करणार आहे. या स्पर्धा सोमवारी (ता. २७) चीनमध्ये होणार आहेत.
थायलंड देशांमध्ये झालेल्या महिला एशिया कप क्वालिफायर राऊंडमध्ये भारतीय संघाला रौप्य पदक प्राप्त झाले होते. या स्पर्धेचे नेतृत्व सुद्धा रेश्मा यांनीच केले. तिने अत्यंत खडतर परिस्थितीमध्ये तब्बल १२ वर्षे बेसबॉल खेळासाठी राष्ट्रीय आणि आंतरराष्ट्रीय स्पर्धेसाठी आपले योगदान दिले आहे. आजपर्यंत तिने राज्यस्तरीय, राष्ट्रीय आणि आंतरराष्ट्रीय असे अनेक सामने खेळले आहेत. ती अनेक पुरस्काराची मानकरी ठरलेली आहे. विशेष करून शिवछत्रपती राज्य क्रीडा पुरस्कार प्राप्त खेळाडू ते भारतीय बेसबॉल संघाची कर्णधार अशा महत्त्वाच्या जबाबदाऱ्यातून ती भारतीय बेसबॉल संघाला पुढे घेऊन जात आहे.
यावेळी रेश्माच्या नेतृत्वाखाली संघ चांगली कामगिरी करेल असा आशावाद व्यक्त करूयात पंजाब (लुधियाना) या ठिकाणी झालेल्या निवड चाचणीमध्ये भारतीय संघाच्या नेतृत्वाची जबाबदारी रेश्मा हिच्यावर पुन्हा एकदा देण्यात आली आहे.

असे रंगणार सामने
२७ ऑक्टोबर - भारत विरुद्ध ताइपे
२८ ऑक्टोबर - भारत विरुद्ध थायलंड
२९ ऑक्टोबर - भारत विरुद्ध हॉंगकॉंग
३० ऑक्टोबर - भारत विरुद्ध चीन