नाझरेच्या माजी सरपंच साधना खोपडे भाजपमध्ये

हिर्डोशी, ता. ३१ : नाझरे (ता. भोर) ग्रामपंचायतीच्या माजी सरपंच साधना अनिल खोपडे यांनी भाजपमध्ये प्रवेश केला. माजी आमदार संग्राम थोपटे यांच्या उपस्थितीत भोर येथे हा प्रवेश घेण्यात आला. खोपडे यांची पाच वर्षे सरपंच म्हणून काम पाहिले असून, त्या भोर तालुका ग्रामसंवाद सरपंच संघाच्या अध्यक्षा म्हणून कार्यरत आहेत. तर, त्या राष्ट्रवादी कॉंग्रेस शरदचंद्र पवार पक्षात कार्यरत होत्या. संग्राम थोपटे यांच्या मार्गदर्शनाखाली भाजप पक्षवाढीसाठी काम करणार असून, महिला सक्षमीकरणासाठी प्रयत्न करण्याचा प्रयत्न करणार असल्याचे खोपडे यांनी सांगितले.
पक्षप्रवेशाच्या प्रसंगी भाजपचे उत्तर विभाग अध्यक्ष संतोष धावले, उत्तमराव थोपटे, सुनील जेधे, पोपटराव खोपडे, शिवाजी सासवडे, अर्जुन दिघे,अनिल खोपडे आदी उपस्थित होते.