वरंधा घाटात दरड कोसळली

हिर्डोशी, ता. २० : भोर- महाड मार्गावरील वरंधा घाटातील महाड हद्दीतील रस्त्यावर बुधवारी (ता. २०) पहाटे दरड कोसळली असून, रस्त्यावर राडारोडा वाहून आला आहे. त्यामुळे हा मार्ग तात्पुरत्या स्वरूपात बंद झाला आहे.
भोर तालुक्यातील घाट माथ्यावर दोन दिवस मुसळधार पाऊस पडत आहे. त्यामुळे महाड हद्दीतील तिसऱ्या वळणाजवळ दरड कोसळली आहे. त्यामुळे माती, दगडासह झाडा- झुडपांचा राडारोडा रस्त्यावर आला आहे. महाड (जि. रायगड) प्रशासनाकडून अथवा ठेकेदारांकडून राडारोडा बाजूला केल्यानंतर वाहतूक सुरळीत होणार आहे. यासाठी किती वेळ लागेल हे सांगता येत नसल्याने तुर्तास वाहतूक बंद झाली आहे.

02355, 02356