हिर्डोशी, ता.१६: ‘‘नैसर्गिक शेती रसायनमुक्त व पर्यावरणास अनुकूल आहे. देशी गाय आणि स्थानिक संसाधनांचा वापर केल्याने मातीतील सेंद्रिय पदार्थ, जैवविविधता वाढून पिकांचे आरोग्य सुधारते. यामुळे शेतकऱ्यांनी विषमुक्त अन्नधान्य पिकवून जमिनीचे आरोग्य सुधारावे, असे आवाहन भोरचे तालुका कृषी अधिकारी शरद धर्माधिकारी यांनी केले.
कर्नावड (ता.भोर) येथे नैसर्गिक शेतीबाबत सोमवारी (ता.१५) एक दिवसीय शेतकरी प्रशिक्षण आयोजित केले होते. यावेळी धर्माधिकारी यांनी शेतकऱ्यांना मार्गदर्शन केले. कृषी विभागाचे कृषी तंत्रज्ञान व्यवस्थापन यंत्रणा (आत्मा) व कृषी विज्ञान केंद्र बारामती यांच्या संयुक्त विद्यमाने राष्ट्रीय नैसर्गिक शेती अभियान अंतर्गत प्रशिक्षण शिबिराचे आयोजन केले.
ाकार्यशाळेत सेंद्रिय शेती मार्गदर्शक अमोल भोसले यांनी नैसर्गिक पद्धतीने निविष्ठा कशा तयार करायच्या याबाबत मार्गदर्शन करून दहा ड्रम थेअरी पद्धत सांगितली. बारामती कृषी विज्ञान केंद्राचे मार्गदर्शक अल्पेश वाघ यांनी राष्ट्रीय नैसर्गिक शेती अभियान अंतर्गत राबविण्यात येणाऱ्या बाबींची माहिती दिली तर आशिष भोसले यांनी नैसर्गिक शेतीमध्ये देशी गायीचे महत्त्व, गायीच्या शेण व गोमूत्रापासून बनविण्यात येणाऱ्या विविध कृषी निविष्ठाबद्दल मार्गदर्शन केले. याशिवाय भोरचे उपकृषी अधिकारी पंडित भोये, तालुका तंत्र व्यवस्थापक लक्ष्मीकांत कणसे, कृषी सहाय्यक रामचंद्र जाधव, प्रशांत सपकाळ, संकल्प महांगरे, आमृत मोहिते यांनीही मार्गदर्शन केले. यावेळी कर्नावडचे उपसरपंच सोपान तांगडे, शेतकरी गट, व शेतकरी उपस्थित होते.
02492
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.