निवड प्रक्रिया समितीवर कृषिरत्न मेहेर यांची निवड

नारायणगाव, ता. २६ : कृषी विभागाने बोधचिन्ह व घोषवाक्य मूल्यांकन व निवड प्रक्रिया समिती गठीत केली आहे. या समितीवर नारायणगाव कृषी विज्ञान केंद्राचे अध्यक्ष, कृषिरत्न अनिल घमाजी मेहेर यांची निवड करण्यात आली आहे. या समितीची बैठक २७ जून २०२५ रोजी आत्मा समिती सभागृह, साखर संकुल, शिवाजीनगर, पुणे येथे आयोजित केली आहे.
कृषी विभागाचे बोधचिन्ह व घोषवाक्य पुनर्निर्धारित करण्यासाठी राज्य शासनाने राज्यस्तरीय खुली स्पर्धा आयोजित केली आहे. या स्पर्धेस प्राप्त झालेल्या प्रस्तावांचे मूल्यांकन व निवड करण्यासाठी उच्चस्तरीय कृषी अधिकारी, पंजाबराव देशमुख कृषिरत्न पुरस्कार प्राप्त कृषी तज्ज्ञ आदी नऊ सदस्यांची निवड झाली आहे. त्यात महेरे यांचा समावेश आहे.
समितीत निवड करण्यात आलेले पदाधिकारी पुढीलप्रमाणे : अध्यक्ष: कृषी संचालक (विस्तार व प्रशिक्षण) रफिक नाईकवाडी, सदस्य सचिव: कृषी उपसंचालक (माहिती) अरुणा लांडे, सदस्य : पंजाबराव देशमुख कृषिरत्न पुरस्कार प्राप्त शेतकरी अनिल मेहेर, सुनंदा संतोषरावजी सालोटकर (जाधव), महाराष्ट्र राज्य कला शिक्षण मंडळ मुंबईचे उपसंचालक विनोद दांडगे, सर जे.जे. स्कूल ऑफ आर्टचे रजिस्ट्रार (आर्किटेक्चर व डिझाइन) शशिकांत काकडे, विभागीय माहिती कार्यालयाचे पुणे विभाग उपसंचालक किरण मोघे, ज्येष्ठ माध्यमकर्मी संतोष देशपांडे.

06771