कुकडी प्रकल्पामध्ये ६.७० टीएमसी साठा

नारायणगाव : कुकडी प्रकल्पांतर्गत धरणात ६.७० टीएमसी (२२.५९ टक्के) उपयुक्त पाणीसाठा झाला आहे. मागील वर्षी हा अखेर प्रकल्पात १.०८ टीएमसी (३.६५ टक्के) उपयुक्त पाणीसाठा झाला होता. गतवर्षाच्या तुलनेत यावर्षी कुकडी प्रकल्पात सहापट उपयुक्त पाणीसाठा झाला आहे.
कुकडी प्रकल्पांतर्गत वडज व येडगाव धरणात ५० टक्के उपयुक्त पाणीसाठा झाला आहे. यावर्षी जून महिन्यात प्रथमच कुकडी प्रकल्पाच्या पाणीसाठ्यात लक्षणीय वाढ झाली आहे. जून महिन्यात सुमारे २०० मिलिमीटर पाऊस झाल्याने कुकडी प्रकल्पाच्या पाणी साठ्यात लक्षणीय वाढ झाली असून वडज व येडगाव धरणाच्या उपयुक्त पाणी साठ्याने अर्धशतक पूर्ण केले आहे. तर पिंपळगाव जोगे धरणाच्या मृत साठ्यात वाढ झाली आहे. धरण निहाय कुकडी प्रकल्पांतर्गत धरणातील उपयुक्त पाणीसाठा टीएमसीमध्ये (कंसात टक्के) : येडगाव : १.०३८ (५३.४०), माणिकडोह :१.२८८ (१२.६६ ), वडज:०.५८८ (५०.१४ ), डिंभे:३.७८(३०.३२ ).