पावसाने वाढविली द्राक्ष उत्पादकांची चिंता

पावसाने वाढविली द्राक्ष उत्पादकांची चिंता

Published on

नारायणगाव, ता. १५: नारायणगाव परिसरात बुधवारी (ता.१५) दुपारी साडेतीन वाजण्याच्या सुमारास सुमारे अर्धा तास मुसळधार पाऊस झाला. द्राक्ष बागांच्या ऑक्टोबर छाटणीची कामे सध्या वेगात सुरू आहेत. आज झालेल्या मुसळधार पावसामुळे द्राक्ष उत्पादकांमध्ये चिंतेचे वातावरण आहे.
जुन्नर तालुक्यात यावर्षी मे महिन्यापासून पाऊस सुरू आहे. सततचा पाऊस, सूर्यप्रकाशाचा अभाव यामुळे अन्न निर्मितीला बाधा निर्माण झाल्याने याचा सर्वात जास्त फटका द्राक्ष या वार्षिक नगदी पिकाला बसला आहे. मागील दोन-तीन दिवस स्वच्छ सूर्यप्रकाश होता. यामुळे द्राक्ष बागेची ऑक्टोबर फळ छाटणी, छाटणी झालेल्या काड्यांना औषध (पेस्ट) लावणे, वांझ वेल काढणे आदि कामे प्रगती भातावर सुरू आहेत. ऑक्टोबर छाटणीनंतर तालुक्यातील सुमारे एक हजार एकर क्षेत्रातील जम्बो जातीच्या संवेदनशील निर्यातक्षम द्राक्षाच्या वेलीवर घड निर्मिती न झाल्याचे दिसून येत आहे. काही बागेत घड निर्मिती झाली. मात्र तयार झालेले घड लहान आकाराचे असल्याने सध्या सुरू असलेल्या पावसामुळे घडकूज ( घड जिरणे)होण्याचा धोका वाढला आहे. यावर्षी एकूणच जुन्नर तालुक्यातील द्राक्ष हंगाम अडचणीत सापडला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com