कुरण येथे १५३ जणांचे रक्तदान

नारायणगाव, ता. १६ : जयहिंद शैक्षणिक संकुलाचे संस्थापक अध्यक्ष, शिवनेर भूषण तात्यासाहेब गुंजाळ यांच्या पाचव्या पुण्यस्मरण दिनानिमित्त कुरण (ता. जुन्नर) येथील जयहिंद कॉलेज ऑफ इंजिनिअरिंग येथे रक्तदान शिबिर आयोजित केले होते. या शिबिरात १५३ रक्तदात्यांनी रक्तदान केले.
शिबिराचे उद्‍घाटन जयहिंदचे अध्यक्ष जितेंद्र गुंजाळ, शिवनेरी रक्तपेढीचे संचालक चंद्रभान वाघ यांच्या हस्ते झाले. यावेळी जयहिंद संकुलाच्या संचालिका अंजली गुंजाळ, डॉ. शुभांगी गुंजाळ, मुख्य कार्यकारी अधिकारी डॉ. डी. एस. गल्हे, प्राचार्य डॉ. डी. जे. गरकल, फार्मसीचे प्राचार्य डॉ. टी. एस. पाचपुते, तंत्रनिकेतनचे प्राचार्य डॉ. स्वप्नील पोखरकर, एमबीएचे प्राचार्य व्ही. एस. थिगळे, तंत्रनिकेतनचे प्राचार्य सुभाष आंद्रे आदी उपस्थित होते. सावित्रीबाई फुले पुणे विद्यापीठांतर्गत राष्ट्रीय सेवा योजना जयहिंद अभियांत्रिकी महाविद्यालय, जयहिंद पॉलिटेक्निक, जयहिंद फार्मसी कॉलेज, जयहिंद एमबीए कॉलेज व शिवनेरी ब्लड सेंटर मंचर यांच्या वतीने रक्तदान शिबिराचे आयोजन, तर प्रा. आर. ए. गाडेकर, प्रा. एस. बी. पटाईत यांनी शिबिराचे नियोजन केले.