मिनी मॅरेथॉन स्पर्धेत आदीत्य वारूळे व सायली बिबवे प्रथम
नारायणगाव, ता. ३१ : सरदार वल्लभभाई पटेल यांच्या १५० व्या जयंतीनिमित्ताने ‘राष्ट्रीय एकता दिवस’ अभियानांतर्गत नारायणगाव पोलिस ठाण्याच्या वतीने दोन किलोमीटर अंतराच्या मिनी मॅरेथॉन स्पर्धेचे आयोजन केले होते. दोन गटात घेण्यात आलेल्या या स्पर्धेत आदित्य वारुळे (मुले गट), सायली बिबवे (मुली गट) यांनी प्रथम क्रमांक पटकाविला, अशी माहिती नारायणगाव पोलिस ठाण्याचे सहाय्यक पोलिस निरीक्षक प्रवीण सपांगे यांनी दिली.
येथील बस स्थानक आवारात झालेल्या कार्यक्रमात स्पर्धेचे उद्घाटन नारायणगाव पोलिस ठाण्याचे सहाय्यक पोलिस निरीक्षक प्रवीण सपांगे यांच्या हस्ते झाले. यावेळी पोलिस निरीक्षक जगदेव पाटील, डॉ. अनुष्का शिंदे, सुधाकर लोंढे आदी उपस्थित होते. दोन गटात घेण्यात आलेल्या या स्पर्धेत सहा वर्ष वयोगटातील मुलांपासून 70 वर्षाच्या ज्येष्ठ नागरिकांनी सहभाग नोंदवला. या स्पर्धेत सुमारे दोनशे स्पर्धकांनी भाग घेतला.
स्पर्धेचे नियोजन हवालदार दत्ता ठोंबरे, मंगेश लोखंडे यांच्या मार्गदर्शनाखाली राजे करिअर ॲकॅडमी नारायणगाव, शिवनेर फाउंडेशन, राजे शिवछत्रपती प्रतिष्ठान, क्रीडा शिक्षक दादू कोठाळे, प्रथमेश वाणी, मुकेश वाजगे, गणेश रोमन यांनी केले. सहभागी सर्व स्पर्धकांना प्रमाणपत्र देण्यात आली. प्रथम तीन क्रमांकात आलेल्या खेळाडूंना ट्रॉफी, प्रशस्तीपत्रक व पुष्पगुच्छ देऊन सन्मानित केले. राष्ट्रीय एकता दिवस शपथ घेऊन कार्यक्रमाची सांगता केली.
स्पर्धेतील प्रथम तीन क्रमांक अनुक्रमे :
मुले गट : आदित्य आशिष वारुळे, अनुराग उल्हास हांडे,विक्रांत संतोष मधे.
मुली गट : सायली विकास बिबवे, प्राची संतोष गाढवे
राणी मच्छींद्र पाथरट.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.