नारायणगाव, ता. १५ : जुन्नर तालुक्यातील नारायणगाव ओझर रस्त्यावर ऊस वाहतूक करणाऱ्या ट्रकच्या मागील चाकाखाली सापडून मनीषा तानाजी भोर (वय ४५ रा. हिवरे तर्फे नारायणगाव,ता. जुन्नर) या महिलेचा मृत्यू झाला. ही घटना सोमवारी (ता. १५) दुपारी दीडच्या सुमारास घडली. मनीषा भोर या सोमवारी दुपारी मुलासमवेत मोटारसायकलने ओझर येथून हिवरे तर्फे नारायणगाव येथे निघाल्या होत्या. नारायणगाव जवळील ओझर रस्त्यालगत असलेल्या पेट्रोल पंपाजवळ विरुद्ध दिशेने येत असलेल्या ऊस वाहतूक करणाऱ्या ट्रकचा धक्का लागल्याने दुचाकी रस्त्यावर पडली. यावेळी मनीषा या ट्रकच्या मागील चाकाखाली सापडल्याने त्यांचा जागीच मृत्यू झाला. याप्रकरणी ट्रक चालकावर नारायणगाव पोलिसांनी गुन्हा दाखल केला असून त्याचे नाव समजू शकले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.