कांदळी परिसरातून दोन अल्पवयीन मुली बेपत्ता

नारायणगाव, ता. ४ : कांदळी (ता. जुन्नर) परिसरातून अनुष्का संदिप घंगाळे (वय १६) व अलीषा सचिन मातंग (वय १५) या दोन अल्पवयीन मुली बेपत्ता झाल्या आहेत. या मुलींना अज्ञात व्यक्तीने फुस लावून पळवून नेले असल्याची तक्रार मुलींच्या पालकांनी नारायणगाव पोलिस ठाण्यात दिली. याबाबत सहाय्यक पोलिस निरीक्षक प्रवीण संपांगे यांनी माहिती दिली.
अनुष्का संदिप घंगाळे ही वडगाव, कांदळी येथे मामा संतोष ठकाजी पाचपुते यांच्याकडे शिक्षणासाठी होती. ती अकरावीत (कॉमर्स) शिक्षण घेत होती. बेपत्ता अनुष्काचे वर्णन ; रंग निमगोरा, केस काळे, चेहरा गोल, अंगात पिवळ्या रंगाचा टि-शर्ट, काळ्या रंगाची प्लाझो, काळ्या रंगाचे जर्किन आणि त्यावर गुलाबी रंगाची टोपी. बेपत्ता अलीषाचे वर्णन ; उंची ५ फुट, बांधा मध्यम, रंग सावळा, उजव्या हातावर आई व मानेवर गणपतीचे चित्र गोंदलेले आहे. अंगात मेंहदी कलर असलेले जर्किन व काळ्या रंगाची जिन्स पॅन्ट आहे. या मुलींबाबत माहिती असल्यास नारायणगाव पोलिस ठाण्यात पोलिस हवालदार डी. ए. तळपाडे, पी. डी. मोहरे यांच्याशी संपर्क साधावा, असे आवाहन करण्यात आले आहे.