मोहरी मठातील महाराजांविरोधात तक्रार

मोहरी मठातील महाराजांविरोधात तक्रार

नसरापूर, ता. १० : मोहरी (ता. भोर) येथील शंकर मठातील महाराज व त्यांच्या पत्नीने एका अनोळखी व्यक्तीसह मारहाण केल्याची तक्रार हातवे बुद्रुक (ता. भोर) येथील एका महिलेने केली आहे. तर, सदर हातवे येथील महिलेने देखिल पती व इतर चार जणांसह मारहाण शिवीगाळ व धक्काबुक्की केल्याची तक्रार महाराजांच्या पत्नीने राजगड पोलिस ठाण्यात दाखल केली आहे.
याबाबत हातवे बुद्रुक येथील ज्ञानेश्वरी संतोष दीक्षित या महिलेने तक्रार केली की, मोहरी येथील शंकर मठाचे महाराज गुलाब भिवा पांगारकर व त्यांची पत्नी सुवर्ण गुलाब पांगारकर व एक अनोळखी व्यक्ती यांनी आपल्या घरी येऊन, ‘तुमचा नातेवाईक धनंजय वेदपाठक कुठे आहे? त्याने आमचे दोन लाख रुपये नेले आहेत,’ असे म्हणून शिवीगाळ व दमदाटी करत मला व माझे पती संतोष यांना लाथाबुक्क्याने मारहाण केली. या तक्रारीवरून महाराज गुलाब, त्यांची पत्नी सुवर्णा व एक अनोळखी व्यक्तीच्या विरोधात तक्रार दाखल केली आहे.
तसेच, महाराज गुलाब पांगारकर यांच्या पत्नी सुवर्णा (रा. मोहरी खुर्द) यांनी हातवे येथील संतोष दिक्षित, त्यांची पत्नी ज्ञानेश्वरी, भिकोबा मुकिंदा भिलारे, अमृत रघुनाथ खुटवड, राजू नाकती, गोपाल पुरोहित या सहा जणांविरोधात तक्रार दाखल केली. गुलाब पांगारकर व त्यांची पत्नी सुवर्णा या हातवे येथील संतोष दिक्षित यांच्याकडे त्यांचा नातेवाईक धनंजय वेदपाठक याची चौकशी करण्यासाठी गेले असताना त्याचा राग येऊन ज्ञानेश्वरी दिक्षित यांनी हाताने मारहाण करण्यास सुरवात केली व तेथे जमलेल्या इतरांनी धक्काबुक्की करत, ‘तुम्ही येथे थांबायचे नाही, चालते व्हा,’ असे म्हणून शिवीगाळ व दमदाटी करत हाकलून लावले. त्यावरुन राजगड पोलिस ठाण्यात संतोष दिक्षित, ज्ञानेश्वरी दिक्षित व इतर चार जणांविरोधात तक्रार दाखल केली आहे.
याबाबत राजगड पोलिस ठाण्याचे सहायक फौजदार संजय ढावरे व पोलिस हवालदार गणेश कुदळे हे पुढील तपास करत आहेत.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com