नसरापूर परिसरातील उद्योगांना 
एकसलग वीज पुरवठा करावा

नसरापूर परिसरातील उद्योगांना एकसलग वीज पुरवठा करावा

Published on

नसरापूर, ता. २७ ः नसरापूर (ता. भोर) व महामार्ग परिसरातील छोटे- मोठे उद्योग विजेच्या अनियमिततेने त्रस्त असून, याबाबत वीज कंपनीने दखल घेऊन उद्योगांना एकसलग वीज पुरवठा करावा, अशी मागणी उद्योजकांनी केली आहे. यासाठी उद्योजक व भाजपचे पदाधिकारी यांनी नसरापूर वीज वितरण कार्यालयातील उपकार्यकारी अभियंता सिध्दार्थ सोनसळे यांची भेट घेऊन निवेदन दिले आहे.
महामार्गावर वेळू ते नसरापूर या भागातील उद्योगांना, तसेच गावांना गेल्या महिनाभरापासून सतत वीज अनियमितपणे ये- जा करत आहे. त्यामुळे उद्योगांच्या उत्पादकतेवर परिणाम होत आहे. काही उत्पादकांचे नुकसान देखील होत आहे. गावामध्ये देखील विजेचा लपंडाव सुरू असल्याने जनजीवन विस्कळित होत आहे.
याबाबत अनेक नागरिकांच्या, तसेच उद्योजकांच्या तक्रारीबाबत भाजप भोर तालुका माजी अध्यक्ष जिल्हा नियोजन समिती सदस्य जीवन कोंडे यांनी काही ग्रामस्थ व उद्योजकांसमवेत वीज वितरण कंपनीचे नसरापूर येथील उपकार्यकारी अभियंता सिद्धार्थ सोनसळे यांची भेट घेतली व उद्योजकांच्या, ग्रामस्थांच्या विजेबाबतच्या अडचणी त्यांच्यासमोर मांडल्या.
यावेळी अभियंता सोनसळे यांनी येत्या सात ते १० दिवसांत यावर निश्चित उपाययोजना करून सुरळीत सेवा पुरवली जाईल, असे आश्वासन दिले.
यावेळी महामार्ग परिसरातील बिपिन रेवणकर, अशोक मुंगळे, येनपुरे, सुहास रायकर, अमित गुजर, अनिल कोरपे, किरण पाटील, घुले, मंदार पित्रे, कैलास गोगावले, अन्सारी हे उद्योजक, तसेच सामाजिक कार्यकर्ते भरत सोनवणे, नीलेश कोंडे आदी उपस्थित होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com