कांबरे सोसायटी अध्यक्षपदी मोहिते

नसरापूर, ता. ७ : कांबरे खे.बा. (ता. भोर) विविध कार्यकारी सोसायटीच्या अध्यक्षपदी संचालक आबासो मोहिते यांची तर उपाध्यक्षपदी रोहिदास सणस यांची बिनविरोध निवड करण्यात आली आहे. सोसायटीचे अध्यक्ष प्रकाश यादव व उपाध्यक्ष गंगूबाई मांढरे यांनी राजीनामा दिल्याने रिक्त झालेल्या पदासाठी संस्थेच्या कार्यालयात निवडणूक पार पडली.
यावेळी निवडणूक अधिकारी म्हणून संजय पवार यांनी तर सहाय्यक म्हणून संस्थेचे सचिव के. के. जामदार यांनी काम पाहिले. याप्रसंगी संस्थेचे प्रकाश यादव, राजाराम कोंढाळकर, नितीन मोहिते, ज्ञानेश्वर यादव, बापू गोरे, संजय अमराळे, सीताराम कोंढाळकर, बाबाजी शेलार, भारती गिरहे, सरपंच सागर शिंदे, उपसरपंच दशरथ मांढरे, दादासो कोंढाळकर, रामदास यादव, रामचंद्र गिरहे, श्रीरंग कोंढाळकर, बापू मोहिते, संतोष निगडे, प्रवीण मोहिते, प्रमोद मोहिते, प्रमोद यादव, प्रदिप मोहिते, नामदेव मामा पोमण, कैलास शिंदे, बापू नाईलकर आदी उपस्थित होते.