आंबळे येथे बिबट मादी जेरबंद

न्हावरे, ता. १३ ः आंबळे (ता. शिरूर) येथील सोनखिळा वस्ती परिसरातील शेतात लावलेल्या पिंजऱ्यात अखेर पिंजऱ्यात मंगळवारी (ता. १३) सकाळी सहाच्या सुमारास बिबट जेरबंद झाली.
मागील काही काही दिवसांपासून या परिसरात नागरिकांना बिबट्याचे दर्शन होत होते. यापूर्वी बिबट्याने कुत्री, रानडुकरे, शेळ्या आदींचा फडशा पाडला आहे. भरदिवसा शेतकरी मजुरांना बिबट्याचे दर्शन होत असल्यामुळे नागरिक भयभीत झाले होते. त्यामुळे संबंधित बिबट्याला पकडण्यासाठी पिंजरा लावण्याची मागणी नागरिकांनी केली होती. त्यानुसार वनविभागाने या परिसरात पिंजरा लावला होता.
ही कारवाई वनपरिक्षेत्र अधिकारी निळकंठ गव्हाणे यांच्या मार्गदर्शनाखाली वनपाल भानुदास शिंदे, मेजर वनरक्षक गणेश झिरपे, रेस्क्यू मेंबर‌ संदीप गव्हाणे, दिनेश गोरड व रोहिदास शेंडगे यांनी महत्त्वाची भूमिका बजावली.
या भागात मोठ्या प्रमाणात उसाचे क्षेत्र असल्याने बिबट्याला लपण्यासाठी जागा निर्माण झाली आहे. त्यामुळे वनखात्याने यापुढेही बिबट्यांचा बंदोबस्त करण्यासाठी कायम कारवाई करावी, अशी मागणी सरपंच सोमनाथ बेंद्रे व ग्रामस्थांनी केली.

02471