निरगुडसर येथे बिबट मादी जेरबंद
निरगुडसर, ता. १ ः निरगुडसर (ता. आंबेगाव) येथील नहयार मळा येथे सुनील भेके यांच्या घराजवळ लावलेल्या पिंजऱ्यात दोन वर्षाची
बिबट मादी जेरबंद झाली आहे. पंधरा दिवसापासून हुलकावणी देणारी बिबट मादी अखेर रविवारी (ता. ३०) सायंकाळी साडेसहा वाजता जेरबंद झाली, अशी माहिती वनविभागाने दिली.
परिसरात बिबट्याचा दररोज असलेल्या वास्तव्यामुळे येथील नहयार मळा येथे भेके यांच्या घराजवळ १५ दिवसांपूर्वी वनविभागाने पिंजरा लावला होता. येथील नागरिकांनी पिंजऱ्याची जागा बदल करावी, अशी मागणी केल्यानंतर अखेर वनविभागाच्या अधिकाऱ्यांनी सहा दिवसापूर्वी जागा बदलली आणि बिबट मादी जेरबंद झाली. रविवारी सायंकाळी पाच वाजण्याच्या सुमारास भेके यांच्या उसाच्या शेतात बिबट्या बसलेला नागरिकांनी पाहिले होते.
जुन्नर वनउपसंरक्षक प्रशांत खाडे, अमृत शिंदे, मंचर वनपरिक्षेत्र अधिकारी विकास भोसले यांच्या मार्गदर्शनाखाली वनरक्षक अश्विनी डफळ आदी रेस्क्यू पथकातील सदस्यांनी बिबट्या जेरबंद करण्यास मदत केली.
02989
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.