पाणी ओसरल्याने गणेशवाडी पूल वाहतुकीस खुला

नीरा नरसिंहपूर, ता.१६ : उजनी धरण नियंत्रण विभागाने उजनी धरणातून भीमा नदीतील ३५ हजार क्यूसेक विसर्ग कमी करून मंगळवारी (ता.१६) ६५ हजार क्यूसेक करण्यात आला. यामुळे भीमा नदीवरील तीन बंधाऱ्यांवरील पाणी कमी होऊ लागले आहे. गणेशवाडी पुलावरील पाणी कमी झाल्याने पूल वाहतूक दुपारपासून सुरू करण्यात आली.

पाऊस अद्यापही सुरू असल्याने विसर्ग कमी जास्त होऊ शकतो. त्यामुळे नदी काठावरील इंदापूर, माढा तालुक्यातील गावांना सतर्कतेचा इशारा प्रशासनाने दिला आहे. उजनी परिसरात झालेल्या पावसामुळे उजनी धरणाचा साठ्यात मोठी वाढ होऊन १२२ टीएमसी झाला आहे. परंतु वरून येणाऱ्या पाण्यात वाढ झाल्यास व पावसाची परिस्थिती अशीच राहिली तर पाण्यात वाढ करण्यात येणार असल्याचे उजनी धरण प्रशासनाने शेतकरी व नागरिकांना सतर्कतेचा इशारा दिला आहे.
गणेशवाडी येथील पूल उघडा झाल्याने यावरील वाहतूक पुन्हा सुरू झाली आहे. तर कोंढार पट्ट्यातील विद्यार्थ्यांसह शेतकरी व नागरिकांनी सुटकेचा निःश्वास सोडला आहे. परंतु पाऊस अद्यापही सुरू असल्याने नदीकाठच्या गावांनी सतर्क राहावे, असा इशारा जलसंपदा विभाग सोलापूर, धरण नियंत्रण विभाग भीमानगर, धरण नियंत्रण विभाग नीरा खोरे - वीर धरण व उजनी पूर नियंत्रण विभागाच्या वतीने सतर्कतेचा इशारा देण्यात आला आहे.

05050