नीरा नरसिंहपूर परिसरात पुरण पोळीचा नैवेद्य

नीरा नरसिंहपूर, ता. २१ : पिंपरी बुद्रूक (ता. इंदापूर) येथील प्रगतशील बागायतदार केशव बोडके यांनी बैलपोळ्यानिमित्त देशी गाईला अंघोळ घालून लाल रंगाने संपूर्ण शरीर सजविले. त्यानंतर रंगीबेरंगी झूल घालून पुरण पोळीचा नैवेद्य दाखवून ओवाळले. तसेच नीरा नरसिंहपूर परिसरातील टणू, गिरवी, गोंदी, ओझरे, गणेशवाडी, लुमेवाडी, सराटी आदी गावात मानाच्या बैलांची मिरवणूक डीजे, लेझीम, हलग्यांच्या निनादात फटाक्यांच्या आतषबाजीत काढण्यात आली.