उदापूरच्या विद्यार्थ्यांना सायकली भेट

ओतूर, ता. १६ ः उदापूर (ता‌. जुन्नर) येथील मैत्री ग्रुपकडून ‘एक हात मदतीचा’ या उपक्रमांतर्गत सरस्वती विद्यालय व जिल्हा प्राथमिक शाळेतील चार विद्यार्थ्यांना सायकल भेट देण्यात आल्या. या सायकली विद्यालयाच्या मुख्याध्यापकांकडे सुपुर्द करण्यात आल्या. यावेळी मैत्री ग्रुपचे सर्व सदस्य, विद्या विकास मंडळाचे अध्यक्ष प्रभाकर शिंदे, ग्रामविकास मंडळाचे अध्यक्ष संजीव शिंदे, तंटामुक्त समितीचे अध्यक्ष बाजीराव कुलवडे, श्रीराम देवस्थान ट्रस्टचे सचिव बाळासाहेब होनराव, शालेय व्यवस्थापन समितीचे उपाध्यक्ष अर्जुन अमूप, माजी सरपंच प्रमिला शिंदे, सरस्वती विद्यालयाचे मुख्याध्यापक प्रतिक अकोलकर, जिल्हा परिषद प्राथमिक शाळेच्या मुख्याध्यापिका माणिक फापाळे व सर्व शिक्षक, विद्यार्थी, विविध संस्थेचे पदाधिकारी व ग्रामस्थ उपस्थित होते.