शिरोली बुद्रूक येथे ५४० विद्यार्थ्यांची तपासणी

ओझर, ता. ५ : शिरोली बुद्रूक (ता. जुन्नर) येथील न्यू इंग्लिश स्कूल मधील ५४० विद्यार्थ्यांची आरोग्य तपासणी करण्यात आली. वैद्यकीय अधिकारी डॉ. एकनाथ वाघेरे, समुदाय आरोग्य अधिकारी डॉ. सपना हिवाळे व त्यांचे सहकारी यांनी विद्यार्थ्यांची बीपी, शुगर, सीबीसी एलएफटी, केएफटी अशा तपासण्या केल्या.
तपासणीदरम्यान आजारपणाची लक्षणे आढळलेल्या विद्यार्थ्यांवर मोफत औषधोपचार करण्यात आले. यावेळी सरपंच प्रदीप थोरवे, पोलिस पाटील अमोल, थोरवे विद्यालयाचे पर्यवेक्षक गणेश राऊत आदी उपस्थित होते. या तपासणीसाठी विद्यालयातील आरोग्य विभागाच्या प्रमुख शैला गायकवाड, सुनील वीरणक, मयूर जगताप आदींचे सहकार्य केले.