कोरेगाव बुद्रुक सोसायटीच्या अध्यक्षपदी गोगावले

पाईट, ता. २१ : कोरेगाव बुद्रुक विविध कार्यकारी सहकारी विकास सोसायटीच्या अध्यक्षपदी संजय भागूजी गोगावले तर उपाध्यक्षपदी मनोहर रामभाऊ कल्हाटकर यांची बिनविरोध निवड करण्यात आली. या निवडीसाठी राजगुरुनगर येथील कृषी उत्पन्न बाजार समितीच्या सभागृहात विशेष सभेचे आयोजन केले होते. त्यावेळी सोसायटीचे सर्वच्या सर्व १२ पैकी ११ संचालक उपस्थित होते.
यापूर्वीचे अध्यक्ष रोहित यशवंत डावरे यांनी व उपाध्यक्ष सुरेखा उल्हास डावरे यांनी ठरल्याप्रमाणे राजीनामा दिल्याने ही दोन्ही पदे रिक्त झाली होती. या दोन्ही पदांसाठी अनुक्रमे एकेक अर्ज आल्याने अध्यक्षपदी संजय भागूजी गोगावले तर उपाध्यक्षपदी मनोहर रामभाऊ कल्हाटकर यांची बिनविरोध निवड झाल्याचे निवडणूक निर्णय अधिकारी एस. एस. बगाटे यांनी जाहीर केले. निवडणूकीसाठी साहाय्य म्हणून सचिव माणिक डांगले यांनी काम पाहिले.