हिलेवाडी येथे आद्यक्रांतिकारक राघोजी भांगरे यांना अभिवादन

फुलवडे, ता. ९ ः हिलेवाडी (ता. आंबेगाव) येथील आद्य क्रांतिकारक राघोजी भांगरे चौकात शनिवारी (ता. ८) क्रांतिवीर राघोजी भांगरे यांची जयंती साजरी करण्यात आली. यावेळी त्यांच्या प्रतिमेचे पूजन करून उपस्थितांनी त्यांना अभिवादन केले. त्यानंतर राघोजी भांगरे यांच्या जीवनकार्याविषयी भाषणे झाली.
शिक्षक मनोहर मोहरे यावेळी म्हणाले की, ‘‘राघोजी भांगरे यांनी आदिवासी समाजासाठी अन्‍यायी, अत्‍याचारी सरकार, सावकार, जमीनदार यांच्या विरोधात आवाज उ‍ठविण्‍याचे काम केले.’’ या प्रसंगी माजी ग्रामपंचायत सदस्य आदिनाथ हिले, मेजर नारायण हिले, सागर हिले, राकेश हिले, अमर हिले, विनोद लोहकरे, जयदीप लोहकरे, गणेश हिले, हर्षल हिले, दादाभाऊ हिले, गोविंद हिले, निलेश हिले, नामदेव फलके, मधुकर हिले आदी उपस्थित होते.