घमाचीवाडीत ५० वा श्रीदत्त जयंती सोहळा

फुलवडे, ता. २ : उगलेवाडी (ता. आंबेगाव) ग्रामपंचायत हद्दीतील घमाचीवाडीत वै. सखारामबाबा उगले, वै. धोंडूबाबा उगले यांच्या आश्रयाखाली श्रीदत्त जयंती सोहळा बुधवार (ता. ३) व गुरुवार (ता. ४) रोजी संपन्न होणार असून, सन १९७५ पासून हा सोहळा अखंडित सुरू आहे. यंदा या सोहळ्याचे ५० वे वर्ष आहे.
सोहळ्यात सायंकाळी ५ ते ६ प्रवचन, ६ ते ७ हरिपाठ, रात्री ७ ते ९ हरी कीर्तन, ९ ते १० भोजन, ११ ते पहाटे ४ पर्यंत संगीत भजन, हरिजागर व पहाटे ४ ते ६ काकडा आरती असे कार्यक्रम होणार असल्याची माहिती रामचंद्र महाराज उगले यांनी दिली.
नवीन मंदिराचे काम सुरू असून, यंदाचे सुवर्णमहोत्सवी वर्ष असल्याने बुधवारी (ता. ३) सकाळी ९ वाजता कलश रोहन व नवीन मूर्तीची प्राणप्रतिष्ठा करण्यात येणार आहे. सोहळ्याची सुरुवात बजरंग महाराज उगले यांच्या हस्ते वीणा पूजनाने करण्यात येणार आहे. बुधवारी समीर महाराज उगले यांचे प्रवचन, एकनाथ महाराज गवारी यांचे कीर्तन व गुरुवारी (ता. २) देवजन्माचे कीर्तन दुपारी १२.३० वाजता भास्कर महाराज जगदाळे यांचे होणार आहे. आदिनाथ सेवा तरुण मंडळ उगलेवाडी-घमाचीवाडी, श्री औदुंबरेश्‍वर तरुण मंडळ तळेपठार तसेच ग्रामस्थांनी आयोजन केले आहे.