पुणे नवरात्र महिला महोत्सव २३ ऑक्टोबरपासून

पुणे, ता. १२ : महिलांच्या कलागुणांना प्रोत्साहन देणाऱ्या पुणे नवरात्र महिला महोत्सवाचे आयोजन यंदा २३ ते ३० सप्टेंबर या कालावधीत शिवदर्शन येथील मुक्तांगण शाळेजवळील लक्ष्मीमाता मंदिर प्रांगणात केले आहे. या महोत्सवाचे उद्‍घाटन मंगळवारी (ता. २३) सकाळी साडेअकरा वाजता असून या वेळी विशेष कामगिरीबद्दल दोन महिलांना तेजस्विनी पुरस्कार देऊन गौरविण्यात येणार आहे, तसेच शंभरहून अधिक महिला सफाई कामगारांचा विशेष गौरव करण्यात येणार आहे. महोत्सवात महिलांसाठी पाककला, होम मिनिस्टर, फॅन्सी ड्रेस, म्युझिकल तांबोला (हाउजी) अशा विविध स्पर्धा होणार असून, या काळात श्री विष्णू सहस्रनाम व श्रीसूक्त पठण, कन्यापूजन आणि महाआरतीदेखील होईल. या स्पर्धांमध्ये विजेत्यांना व सहभागी झालेल्या सर्वांना भेटवस्तू देण्यात येणार आहेत, अशी माहिती महोत्सवाच्या संयोजिका अध्यक्षा जयश्री बागूल यांनी दिली.