शिवाजीनगर स्थानकाला अवैध पार्किंगचा विळखा

शिवाजीनगर
-------------
अवैध पार्किंगचा विळखा

पिंपरी ः पुणे रेल्वे स्टेशनचा भार कमी करण्यासाठीच शिवाजीनगर रेल्वे स्थानकात लोकलसाठी एक अतिरिक्त प्लॅटफॉर्म बनविण्यात आला आहे. २६ जानेवारी २०२४ पासून काही लोकल शिवाजीनगर येथून सोडल्या जातात. काही लोकल शिवाजीनगरपर्यंत धावतात. त्यामुळे शिवाजीनगर स्थानकातील प्रवाशांची वर्दळ वाढली आहे. स्थानकात प्राथमिक सुविधा असल्या तरी विस्तारित प्लॅटफॉर्मवर पत्र्याचे शेड नसल्याने प्रवाशांना उन्हात उभे राहावे लागते. स्थानकात बैठक व्यवस्था अपुरी आहे. रेल्वे स्थानकाच्या प्रवेशद्वारावर रिक्षांची प्रचंड गर्दी असल्याने स्थानकात प्रवेश करताना प्रवाशांची दमछाक होते. स्थानकालगत असलेले अतिक्रमण आणि अवैध रिक्षा पार्किंग काढण्याची मागणी प्रवाशांनी केली आहे.
-----------
रेल्वे स्थानकाच्या प्रवेशद्वारावर कशाही रिक्षा उभ्या केलेल्या असतात. स्थानकात येण्यासाठी अडथळा निर्माण होतो. रेल्वे प्रशासनाने रिक्षा चालकांवर कारवाई करून प्रवेशद्वार मोकळे करावे.
- मनीष प्रजापती, प्रवासी
-----------
स्थानकाचे नाव - शिवाजीनगर
- स्थानकात रेल्वे सुरक्षा बलाचे (आरपीएफ) जवान आहेत का ? -हो
- स्थानकात लोहमार्ग पोलिस (जीआरपी) आहेत का ? - हो
- स्थानकात मद्यपी, भिकारी यांचा वावर होता का? - नाही
- स्थानकात अनधिकृत विक्रेते आहेत का ? - नाही
- स्थानकाबाहेर रिक्षांची गर्दी आणि अनधिकृत पार्किंग होते का ? हो
- प्रवासी रेल्वे रूळ ओलांडून जातात का ? हो
- स्थानकात प्राथमिक सुविधा आहेत का ? - हो
- स्वच्छता आहे का ? - हो
----------