पेटलेला वीट भट्टीचा घाटावडे येथे स्फोट

पेटलेला वीट भट्टीचा घाटावडे येथे स्फोट

पिरंगुट, ता. ६ : घोटावडे (ता. मुळशी) येथील पेटलेल्या वीट भट्टीचा स्फोट झाल्याची घटना शनिवारी (ता.६) सायंकाळी घडली. मात्र, यावेळी कोणतीही जीवितहानी झाली नाही. पौड पोलिस ठाण्याचे सहायक निरीक्षक सुधीर कदम यांनी दिलेल्या माहितीनुसार, शेळकेवाडी ते मातेरे वाडी या दरम्यान असलेल्या परिसरात ही वीट भट्टी आहे. भट्टीमध्ये कोळसा व त्यासोबत ज्वलनशील राख व अन्य रासायनिक पदार्थ वापरल्याने त्याचा भडका उडालेला असावा, अशी प्राथमिक अंदाज आहे.
दरम्यान, वीट भट्टीवरून विजेच्या तारा गेलेल्या आहेत. स्फोट होऊन आगीचा भडका उडाला होता. मात्र, वीज वितरण कंपनीचे भरे येथील विभागीय कार्यालयातील उपकार्यकारी अभियंता आनंद घुले तसेच सहायक अभियंता ज्ञानेश्वर डंपलवार यांनी परिस्थितीचे गांभीर्य ओळखून तातडीने वीज प्रवाह बंद केल्याने पुढील अनर्थ टळला आहे.

02848

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com