पिरंगुट, ता. १६ : जिल्हा क्रीडा परिषद, जिल्हा क्रीडा अधिकारी कार्यालय व मुळशी तालुका क्रीडा शिक्षक संघ यांच्या वतीने चांदे (ता. मुळशी) येथील छत्रपती संभाजी महाराज मैदानावर पार पडलेल्या मुळशी तालुकास्तरीय क्रिकेट स्पर्धेत भूगाव (ता. मुळशी) येथील श्री श्री रविशंकर विद्यालयाच्या संघाने प्रथम क्रमांक पटकावला.
या स्पर्धेत १४, १७ व १९ वर्षे वयोगटातील मुले व मुलींचे संघ सहभागी झाले होते. मुलांच्या १४ वर्षे वयोगटात आठ संघ, १७ वर्षे वयोगटात १२ संघ, तर १९ वर्षे वयोगटात चार संघ सहभागी झाले होते. मुलींच्या १७ वर्षे वयोगटात तीन संघ सहभागी झाले होते. एकूण २७ सहभागी संघांची ही स्पर्धा तीन दिवस घेण्यात आली.
स्पर्धेचे उद्घाटन आमदार शंकर मांडेकर यांच्या हस्ते झाले. यावेळी मांडेकर यांनी सहभागी खेळाडूंचा सत्कार करून मार्गदर्शन केले. भविष्यात तालुक्याचा क्रिकेट संघ विविध प्रकारच्या लीग स्पर्धांमध्ये खेळावा. जिल्हास्तरावर उत्तम कामगिरी करावी अशी अपेक्षा मांडेकर यांनी व्यक्त केली. सर्व प्रकारच्या खेळासाठी सर्वतोपरी सहकार्य करण्याचे आश्वासन दिले .
यावेळी त्यांनी खेळाडूंशी संवाद साधला. खेळासाठी दिलेल्या योगदानाबद्दल मुळशी तालुका क्रीडा शिक्षक संघाच्या व खेळाडूंच्या वतीने मांडेकर यांचा तालुक्याच्या वतीने सत्कार करण्यात आला.
स्पर्धेत पंच म्हणून उत्कृष्ट काम केल्याबद्दल क्रिकेटपटू अमोल पवळे व श्रेया तिकोने यांचा मांडेकर यांच्या हस्ते सत्कार करण्यात आला. पुणे जिल्हा शिक्षण मंडळाचे न्यू इंग्लिश स्कूल घोटावडे या विद्यालयाने संयोजन केले होते. सुनील सातव यांनी नियोजन केले.
स्पर्धेचा निकाल खालीलप्रमाणे ः
१४ वर्ष वयोगट मुले -
प्रथम- श्री श्री रविशंकर विद्यालय, भूगाव.
द्वितीय- इंडस स्कूल, भुकूम.
१७ वर्षे वयोगट मुले -
प्रथम- ब्ल्यू रिच पब्लिक स्कूल, हिंजवडी.
द्वितीय - पेरीविनकल स्कूल, बावधन.
१९ वर्षे वयोगट मुले-
प्रथम - ब्ल्यू रिच पब्लिक स्कूल, हिंजवडी.
१७ वर्ष वयोगट मुली-
प्रथम- ब्लू रिच पब्लिक स्कूल, हिंजवडी.
द्वितीय- श्री श्री रविशंकर, भूगाव.
04795
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.