अरुण ओक यांचे निधन

पिरंगुट, ता. १६ : भारतीय वन सेवा अधिकारी आणि पर्यावरण व वन मंत्रालयातील माजी महानिरीक्षक अरुण ओक (वय ९३) यांचे निधन झाले. त्यांच्या मागे पत्नी, दोन मुलगे, दोन मुली, सुना व नातवंडे असा परिवार आहे. दारवली (ता. मुळशी) येथील इनोरा संस्थेच्या संचालिका मंजुश्री तडवळकर या त्यांच्या कन्या होत.
स्वातंत्र्योत्तर काळातील वन विभागाचे अग्रणी अधिकारी म्हणून त्यांनी भारत आणि राज्यातील नैसर्गिक वने जपण्यासाठी परिश्रम घेतले. राज्य शासनाच्या फॉरेस्ट डेव्हलपमेंट कॉर्पोरेशनचे ते संस्थापक व्यवस्थापकीय संचालक होते. मेळघाट आणि चंद्रपूरच्या दुर्गम जंगलांमध्ये प्रारंभीची कारकीर्द घालवताना त्यांनी वनरक्षक,वनपाल आदी पदांवर काम केले. पद्मविभूषण बाबा आमटे यांच्या कार्याशीही त्यांचे निकट संबंध होते. पर्यावरणविषयक क्षेत्रात त्यांचे एक दूरगामी योगदान म्हणजे सरदार सरोवर प्रकल्पात पर्यावरण मंत्रालयातर्फे महानिरीक्षक म्हणून प्रमुख भूमिका निभावली.
04859