नांदे येथील शिबिरात ३०० जणांची तपासणी

पिरंगुट, ता. १३ : नांदे (ता. मुळशी) येथील मोफत आरोग्य शिबिरात ३००हून अधिक जणांची तपासणी करण्यात आली. सुनील जाधव मित्र परिवाराने आयोजित केलेल्या या शिबिराचे उद्‍घाटन आमदार शंकर मांडेकर यांच्या हस्ते झाले. यावेळी सहाय्यक पोलिस आयुक्त अरुण वालतुरे, पोलिस निरीक्षक बापू कुतवळ, जिल्हा बँकेचे उपाध्यक्ष सुनील चांदेरे, माजी नगरसेवक सनी निम्हण, बाबा कंधारे, प्रशांत रानवडे, सूर्यकांत मुंडे, आजी- माजी सरपंच, उपसरपंच, सर्वपक्षीय पदाधिकारी उपस्थित होते. माण, चांदे, नांदे, सुस, मुलखेड व लवळे परिसरातील नागरिकांनी लाभ घेतला. चेलाराम हॉस्पिटल बावधन व नांदे हॉस्पिटलमधील डॉक्टरांच्या पथकाने सहकार्य केले. यावेळी यशस्वी संयोजनाबद्दल सुनील जाधव व प्रमिला जाधव यांचा सत्कार करण्यात आला.