चिव्हेवाडी घाटात टेम्पोच्या धडकेत दुचाकीस्वाराचा मृत्यू
परिंचे, ता.१० : देवडी (ता. पुरंदर) येथील चिव्हेवाडी घाटाच्या पहिल्या वळणावर भरधाव टेम्पोने समोरून येणाऱ्या दुचाकीला जोरदार धडक दिली. त्यात संभाजी मारुती कदम (वय ४०, रा. भिवडी, ता. पुरंदर) यांचा मृत्यू झाला. ही घटना मंगळवारी (ता. ९) सकाळी ८ च्या सुमारास घडली.
सासवड पोलिस दिलेली माहिती अशी की, चिव्हेवाडी घाटाच्या पहिल्या वळणावर टेम्पो (क्र. एमएच १२ क्युजी ७९८४) चालक हा अविचाराने, भरधाव वेगात रस्त्याचे परिस्थितीकडे दुर्लक्ष करून गारवा हॉटेलजवळ समोरून येणाऱ्या दुचाकी (क्र. एमएच १२ झेडए १८४४) ला जोरदार धडक दिल्याने दुचाकीवरील कदम यांचा मृत्यू झाला. याप्रकरणी टेम्पोचालक नीलेश सोन्याबापू डाळिंबकर (रा. बाभुळकर खु, पो. कारेगाव, ता.शिरूर) याच्या विरोधात तक्रार दाखल करण्यात आली आहे. पुढील तपास पोलिस निरीक्षक कुमार कदम यांच्या मार्गदर्शनाखाली अभिजित कांबळे हे करीत आहे.
2879
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.