Iron Man : मुळशीच्या भूकरमापकाला बार्सिलोनात आयर्न मॅनचा किताब
पौड - पौड (ता. मुळशी) येथील भूमी अभिलेख विभागातील भूकरमापक रोहन सीताराम कडू स्पेनमधील बार्सिलोना येथे झालेल्या आयर्न मॅन स्पर्धेत सहभागी झाले होते. पोहणे, सायकल चालवणे आणि धावणे अशी तीन खेळांची मिळून असलेली ही धावती स्पर्धा १४ तास २९ मिनिटांत पूर्ण करून त्यांनी मानाचा आर्यन मॅन किताब पटकावला. जागतिक स्पर्धेत प्रथमच सहभागी झालेले रोहन भूमी अभिलेख विभागातून पहिले आयर्न मॅन ठरले आहेत.
मूळचे खेड तालुक्यातील असलेले रोहन कडू हे कोथरूडला परिवारासह राहतात. त्यांनी अखिल भारतीय नागरी सेवा स्पर्धेच्या बॅडमिंटन खेळात सात वर्षे राज्याचे प्रतिनिधित्व केले. त्यांना प्रथमपासूनच पोहणे, धावणे, सायकल चालविणे या तिन्ही खेळांमध्ये आवड होती. यापूर्वी कोल्हापूर, डिंभे येथे झालेल्या बर्ग मॅन स्पर्धाही त्यांनी जिंकली होती. गेली चार महिन्यांपासून ते आयर्नमॅन स्पर्धेची तयारी करीत होते. आपली नोकरी सांभाळून ते कसून सराव करीत होते.
बार्सिलोना येथे झालेल्या स्पर्धेत जगभरातून २६०० खेळाडू सहभागी झाले होते. त्यांना तिन्ही स्पर्धा पूर्ण करण्यासाठी १६ तासांची वेळ निर्धारित केली होती. रोहन यांनी ३.८ किलोमीटरचे पोहणे १ तास ४१ मिनिटे ४९ सेकंदात पूर्ण केले. ६ तास ५४ मिनिटे ५३ सेकंदात १८० किलोमीटर सायकल चालविली, तर ५ तास ३० मिनिटांत ४२.२ किलोमीटर अंतर धावून पूर्ण केले.
निर्धारित वेळेच्या दीड तास अगोदर स्पर्धा पूर्ण केल्यामुळे त्यांना मानाचा आयर्न मॅन हा किताब बहाल करण्यात आला. या यशातून रोहन यांनी भूमी अभिलेख विभागाचा डंका स्पेनमध्ये वाजविला.
रोहन यांच्या यशाबद्दल भूमी अभिलेखचे जमाबंदी आयुक्त निरंजन सुधांशू, अतिरिक्त जमाबंदी आयुक्त आनंद रायते, उपसंचालक अनिल माने, जिल्हा अधीक्षक सूर्यकांत मोरे, मुळशीचे उपअधिक्षक प्रताप चौधरी यांनी त्यांचा सत्कार केला. आपल्या यशाचे श्रेय आई-वडील आणि भूमी अभिलेखच्या अधिकाऱ्यांना दिले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.