‘संस्कार’मध्ये विद्यार्थ्यांच्या कलागुणांना प्रोत्साहन

पौड, ता. १३ : अंबडवेट (ता. मुळशी) येथील संस्कार प्रतिष्ठानमध्ये दिव्यांग सप्ताहानिमित्त विविध कार्यक्रम झाले. यावेळी विद्यार्थ्यांच्या विविध कलागुणांना प्रोत्साहन देण्यासाठी विविध स्पर्धा घेण्यात आल्या.
यामध्ये रिंगमधून बॉल टाकणे, वहीचे बॅलन्स करणे, कोनमध्ये रिंग टाकणे, जादूची खेळ बघणे, कार्टूनच्या तोंडात बॉल टाकणे, टॅटू हातावर काढणे आदी स्पर्धांचा समावेश होता. पुणे येथील बालकल्याण संस्थेस विद्यार्थ्यांनी बुधवारी (ता. ३) भेट दिली. डॉ. बाबासाहेब आंबेडकर यांच्या महापरिनिर्वाण दिनानिमित्त फोटोचे रंगकाम, ठसेकाम, फुले चिकटकाम करणे, फ्रेम तयार करणे आदी कार्यक्रमात विद्यार्थ्यांनी सहभाग घेतला. तसेच, जागतिक बौद्धिक अक्षम दिनानिमित्त सोमवारी (ता. ८) विद्यार्थ्यांना जेवण देण्यात आले.
संस्कारचे संस्था प्रमुख उल्हास केंजळे, अध्यक्ष डॉ. संतोष देशमुख, सचिव प्रतिभा केंजळे, मुख्याध्यापक मच्छिंद्र जाधव यांच्या मार्गदर्शनाखाली स्नेहा शेट्ये, रोहिणी माने, ज्योती पाटील आदींनी या कार्यक्रमांचे नियोजन केले होते.