रेटवडी येथील स्मशानभूमीत अघोरी कृत्य

रेटवडी येथील स्मशानभूमीत अघोरी कृत्य

राजगुरुनगर, ता. १८ : अमावस्येच्या मुहूर्तावर रेटवडी (ता. खेड) येथील स्मशानभूमीत अंधश्रद्धेतून तंत्रमंत्रासाठी अघोरी कृत्य केले आहे. ही घटना सोमवारी रात्री घडली. हे कृत्य करणाऱ्यास पोलिसांनी शोधावे आणि फौजदारी कारवाई करावी, अशी मागणी रेटवडी ग्रामस्थांनी केली आहे.

सोमवारी (ता.१७) अमावस्या होती. अमावस्येच्या मुहूर्तावर अंधश्रद्धेपोटी काही तांत्रिक मांत्रिक अघोरी उपचार करतात. असाच एक प्रकार रेटवडी गावच्या स्मशानभूमीत सोमवारी रात्री केल्याचे उघडकीस आले आहे. त्याठिकाणी काळ्या रंगाच्या बोकडाचे मुंडके, पाय, काळ्या रंगाच्या बाहुल्या, लिंबू, सुई, हळद-कुंकू आढळून आले. जादूटोणाविरोधी कायद्यातील कलमानुसार भूत उतरविण्याच्या बहाण्याने चमत्काराचा प्रयोग गुप्तधन, करणी, भानामती या नावानं अमानुष, अनिष्ट, अघोरी कृत्य करणे, पशुबळी देणे, एखादी व्यक्ती करणी करते, जादूटोणा करते, भूत लावते, अपशकुनी आहे, सैतान आहे असं जाहीर करणं, भूत पिशाच्चाना आवाहन करून घबराट निर्माण करणे, इत्यादी गोष्टी गुन्ह्यास पात्र आहेत. या प्रकारामुळे गावात भीतीचे वातावरण पसरले आहे. पोलिसांनी याचा शोध घ्यावा आणि हा अघोरी प्रकार करणाऱ्यावर फौजदारी कारवाई करावी, अशी मागणी रेटवडी ग्रामस्थांनी केली आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com