संतोष रणदिवे यांचे निधन

रांजणगाव सांडस, ता. १३ ः रांजणगाव सांडस (ता. शिरूर) येथील रावसाहेबदादा पवार घोडगंगा सहकारी साखर कारखान्याचे माजी उपाध्यक्ष संतोष तुकाराम रणदिवे (वय ४५) यांचे निधन झाले. त्यांच्यामागे आई ,वडील, पत्नी, दोन मुली, दोन बहिणी, भाऊ, भावजय, पुतण्या असा परिवार आहे. रणदिवे यांचा सामाजिक, धार्मिक, राजकीय कार्यामध्ये मोलाचा सहभाग होता. शिरूर तालुका राष्ट्रवादी युवक काँग्रेसचे तालुकाध्यक्ष असताना त्यांनी जिल्ह्यात व तालुक्यात युवकांचे संघटन बळकट केले होते, तर कारखान्याच्या इतिहासात सर्वात तरुण उपाध्यक्ष होण्याचा मान त्यांना मिळाला होता. घोडगंगाचे माजी संचालक झुंबरअण्णा ऊर्फ तुकाराम रणदिवे हे त्यांचे वडील होत. रांजणगाव सांडस विविध कार्यकारी सेवा सहकारी सोसायटीचे माजी संचालक संभाजी रणदिवे हे त्यांचे बंधू, तर पुणे जिल्हा सहकारी दूध उत्पादक संघाच्या माजी संचालिक- लोकनियुक्त सरपंच प्रदीपा संभाजी रणदिवे या त्यांच्या भावजय होत.

03090