गंगापूर खुर्द परिसरातील मुलांना धान्य किट वाटप

शिनोली, ता. ११ : शाश्वत संस्था मंचर (ता. आंबेगाव) यांच्या माध्यमातून व इंडिया फूड बँकिंग नेटवर्कच्या सुश्री श्रद्धा सुमन यांच्या सहकार्याने गंगापूर खुर्द गावातील महादेव कोळी, ठाकर, तसेच शिंदेवाडी येथील कातकरी अंगणवाडीतील १०० मुलांना खाऊ किटचे वाटप करण्यात आले.
यामध्ये रवा, पोहे, गूळ, शेंगदाणे, लापशी भरडा, डाळ व एक लिटर दूध यांचा समावेश होता. गंगापूर गावठाण, विठ्ठलवाडी, गाडेकरवाडी, ठाकरवाडी, आपटी, खेते पठार, घोडेगावची शिंदेवाडी या सर्व ठिकाणी हे किटचे वाटप केले.
यासाठी संस्थेचे उपाध्यक्ष व कार्यकारी विश्वस्त सुरेश राजवाडे यांचे विशेष मार्गदर्शन लाभले. राजवाडे यांच्या विशेष प्रयत्नामुळे किट वाटप करणे शक्य झाले आहे. यापूर्वी खेड व आंबेगाव तालुक्यातील २०० कुटुंबांना याच संस्थेतर्फे वाटप केलेले आहे. संस्थेतर्फे विश्वस्त प्रतिभातांबे, प्रकल्प समन्वयक शांताराम गुंजाळ, तसेच गंगापूरच्या सरपंच कविता सातकर, राजू गवारी, अंगणवाडी सेविका भारती येवले आदी उपस्थित होते.

00401