शिर्सुफळ यात्रोत्सवात लाखो भाविकांचा सहभाग

शिर्सुफळ यात्रोत्सवात लाखो भाविकांचा सहभाग

शिर्सुफळ, ता. १५ : येथील ग्रामदैवत श्री शिरसाई यात्रा उत्सव लाखों भाविकांच्या सहभागाने आनंदात पार पडला. यात्रेला गुरूवारी (ता. २) रोजी घटस्थापना होऊन सुरवात झाली. या यात्रेची सांगता रविवारी (ता. १२) रोजी झाली. यात्रेच्या कालावधीत लाखोंच्या संख्येने भाविक सहभागी होऊन देवीच्या दर्शनासाठी उपस्थित होते. श्री शिरसाई माजी विद्यार्थी संघाने येणाऱ्या भाविकांसाठी पिण्याच्या पाण्याची सोय केली होती.
यानिमित्त श्री शिरसाई मातेच्या मूर्तीला फुलांनी सजावट केली होती. मंदिरावर विविध रंगांची आकर्षक विद्युत रोषणाई केली होती. देवीची पालखी व छबिना ग्रामप्रदक्षिणेसाठी निघाल्यावर गावातील महिलांनी रांगोळी काढून पालखीचे स्वागत केले. पालखीच्या मानकऱ्यांचे औक्षण केले. यात्रेनिमित्त पहाटे तीन वाजता पूजा, काकडा आरती, देवीला चोळी-पातळ, तसेच सकाळी सातच्या सुमारास दंडवत आणि दर्शनासाठी भाविकांची सुरवात केली होती. सकाळपासून रात्री उशिरापर्यंत देवीला नैवेद्य आणि श्रीफळ फोडण्यासाठी भाविकांची मोठ्या प्रमाणात गर्दी होती. रविवारी (ता. २३) रात्री बारा वाजता रावणगाव (ता. दौंड) यांचा फटाक्यांच्या आतषबाजीसह रावण दहनाचा कार्यक्रम झाला. पांडुरंग मुळे मांजरवाडीकर यांचा लोकनाट्य तमाशा आणि रघुवीर खेडकरसह कांताबाई सातारकर यांचा लोकनाट्य तमाशाचे आयोजन केले होते.

मंदिराच्या शेजारी असणाऱ्या भक्ती निवासाच्या भिंतीवर गावचा इतिहास सांगणारे बोलके चित्र ग्रामपंचातीच्या माध्यमातून काढण्यात आले होते. या बोलक्या चित्राने भाविकांचे लक्ष वेधून घेतले होते. या चित्रासोबत अनेक भाविकांनी फोटो काढण्यासाठी गर्दी केली होती.

यात्रा काळात वाहनांना व व्यावसायिकांना अडथळा होऊ नये आणि इतर अडचणींना सामोरो जावे लागू नये, यासाठी ग्रामपंचायत आणि यात्रा कमिटीकडून फ्लेक्स लावण्यावरती बंद घालण्यात आली होती. या निर्णयाचे ग्रामस्थांनी कौतुक करत नियमांचे पालन केले. तसेच वाहतूक कोंडी होऊ नये म्हणून ग्रामपंचायतीने यात्रेच्या आधी परिसरातील रस्त्यांची दुरूस्ती केली. वाहतूक कोंडी न होण्यासाठी बारामती ग्रामीण पोलीस, शिर्सुफळ ग्रामपंचायत, यात्रा कमिटी आणि ग्रामस्थांनी विविध उपायोजना केल्या.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com