शिर्सुफळची निताशा गुणवत्ता यादीत

शिर्सुफळ, ता. २४ : शिर्सुफळ (ता. बारामती) येथील जिल्हा परिषद शाळेतील निताशा बिबे ही विद्यार्थिनी २५४ गुण मिळवत पूर्व उच्च प्राथमिक शिष्यवृत्ती परीक्षेत गुणवत्ताधारक ठरली आहे. तर अर्णव हिवरकर, प्रतीक्षा शिंदे, संस्कृती शिंदे, प्रणव शिंदे, विघ्नेश कदम, अथर्व बनकर, ऐश्वर्या हिवरकर, समर्थ पानसरे, सैराबानु खान, धीरज सातपुते, स्वरा झगडे हे विद्यार्थी शिष्यवृत्ती परीक्षेत पात्र ठरले आहेत. बारामतीचे गटशिक्षणाधिकारी नीलेश गवळी, विस्तार अधिकारी नवनाथ कुचेकर, केंद्रप्रमुख सुनील कुचेकर, मुख्याध्यापक दत्तात्रेय जाधव, वर्गशिक्षिका ऊर्मिला आडके, सरपंच जुई हिवरकर आदींनी विद्यार्थ्यांचे कौतुक करून अभिनंदन केले.