ऊस कीड व्यवस्थापनावर शिर्सुफळ येथे चर्चासत्र

शिर्सुफळ, : ता : ९ : शिर्सुफळ (ता. बारामती) येथे शेतकऱ्यांसाठी ऊस पिकावर लोकरी मावा किडीचे व्यवस्थापन या विषयावर चर्चासत्राचे आयोजन केले होते. चर्चासत्राचा अनेक शेतकऱ्यांनी लाभ घेतला.
काही दिवसांपासून वातावरणात होणाऱ्या बदलामुळे ऊस पिकावर लोकरी मावा किडीचा प्रादुर्भाव झाला आहे. या किडीचा प्रादुर्भाव विशेषतः गाठींवर आणि पानांच्या कडांवर पांढऱ्या लोकरसदृश थराच्या स्वरूपात दिसतो. लोकरी मावा हा ऊस पिकावर आढळणारी एक प्रमुख कीड असून, ती झाडाचा रस शोषून घेत उसाची वाढ खुंटवते. यामुळे उत्पादनात मोठ्या प्रमाणात घट होऊन शेतकऱ्यांचे आर्थिक नुकसान होत. या किडीपासून पिकाचे वेळीच संरक्षण व्हावे यासाठी शेतकऱ्यांसाठी चर्चासत्राचे आयोजन करून लोकरी मावा किडीची लक्षणे, प्रादुर्भावाची कारणे व उपाययोजना यावर बारामती येथील डॉ. शरदचंद्र पवार कृषी महविद्यालयातील प्राध्यापक शरद दळवे यांच्या मार्गदर्शनाखाली प्रतीक्षा चोरमले, जान्हवी जानराव, ऋतुजा कचरे, स्वरांजली कोले, इशा कुंभार, गाथा मेश्राम, रीशिका तावरे या कृषी कन्यांनी शेतकऱ्यांना सविस्तर माहिती दिली.

08645