सुप्यात २५० जणांची तपासणी

सुपे, ता. १७ : सुपे (ता. बारामती) येथील आरोग्य शिबिरात सुमारे २५० रुग्णांची मोफत तपासणी करून त्यांना तज्ञांकडून मार्गदर्शन व उपचार करण्यात आले. सरकारच्या आरोग्य विभागाकडून स्वस्थ नारी सशक्त परिवार अभियांतर्गत येथील ग्रामीण रुग्णालयात आरोग्य शिबिर घेण्यात आले.
या शिबिरात उच्च रक्तदाब, मधुमेह, नेत्र व कर्करोग तपासणी, गरोदर महिलांची तपासणी करण्यात आली. आयुष्यमान भारत कार्ड व अवयवदान नोंदणी, माता व बालसुरक्षा कार्ड, प्रधानमंत्री मातृ वंदना नोंदणी करण्यात आल्याची माहिती वैद्यकीय अधीक्षक डॉ. दीपक मुंडे यांनी दिली. वैद्यकीय अधिकारी डॉ. रवींद्र चाफाकानडे, डॉ. संतोष बुरुटे, डॉ. मनिषा भुंडे, डॉ. सोनाली सोनवणे, डॉ. दशरथ चौरे, रामचंद्र मदने, नेहा टिळेकर आदींनी शिबिरासाठी परिश्रम घेतले. या अभियानांतर्गत बुधवारी (ता. २४) आरोग्य व रक्तदान शिबिराचे आयोजन केल्याची माहिती डॉ. मुंडे यांनी दिली.