सासवड, ता. ३०: सासवड पोलिसांनी मंगळवारी (ता. २९) रात्री सव्वानऊच्या सुमारास सासवड (ता.पुरंदर) येथील पीएमटी स्टॉपजवळील मगर बेकरीमागेल पत्र्याच्या शेडमध्ये सुरू असलेल्या मटका जुगारावर छापा टाकत विजय वसंत जाधव (वय ३६, रा. यशराज हॉटेल, लांडगेआळी, सासवड) याला अटक केली आहे. त्याच्यावर पोलिसांनी गुन्हा दाखल केला आहे.
पोलिसांना गुप्त बातमीदारामार्फत मिळालेल्या माहितीनुसार, विजय जाधव हा ‘मेन बाजार’ नावाचा मटका जुगार चालवत असल्याची माहिती सासवड पोलीस स्टेशनचे पोलिस निरीक्षक ऋषिकेश अधिकारी यांना मिळाली होती. या माहितीच्या आधारे पोलिस हवालदार सागर सावता कोरडे आणि पोलीस हवालदार अमोल लडकत यांनी दोन पंचांसह घटनास्थळी छापा टाकला.
छाप्या दरम्यान, विजय जाधव हा एका कागदावर आकडे लिहून लोकांकडून पैसे गोळा करताना रंगेहाथ सापडला. पोलिसांनी त्याला ताब्यात घेतले असता, त्याच्याकडून ‘मेन बाजार’ नावाचा मटक्याचा कागद, कार्बन पेपर आणि जुगारासाठी वापरलेली ६१० रुपये रोख रक्कम जप्त करण्यात आली. जप्त केलेला मुद्देमाल पंचनाम्याद्वारे सीलबंद केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.