किकबॉक्सिंगमध्ये सासवडच्या खेळाडूंचे यश

सासवड, ता. १० : चेन्नई येथे नुकत्याच झालेल्या वाको चिल्ड्रन आणि कॅडेट राष्ट्रीय किकबॉक्सिंग स्पर्धेत पुणे येथील योद्धा मार्शल आर्ट्स, चॅम्पियन मार्शल आर्ट्स अँड स्पोर्ट्स अकादमीच्या आठ विद्यार्थ्यांनी उत्कृष्ट कामगिरी करीत २ सुवर्ण, ३ रौप्य आणि २ कांस्य पदके पटकावली आहेत. यामध्ये सासवडच्या अन्वी विक्रम जगताप आणि इरा मयूर जगताप यांचा समावेश आहे.
अन्वी जगताप हिने ७ -९ वर्षे वयोगटात आणि २७ किलो वजन गटात पॉइंट फाइट इव्हेंटमध्ये सुवर्णपदक पटकावले, तर ​इरा जगताप हिने रौप्यपदक पटकाविले आहे. चॅम्पियन मार्शल आर्ट्स अँड स्पोर्ट्स अकादमीचे प्रदीप वाघोले, तेजस वाघोले, ललित वाघोले, गणेश पापळ, पायल वाघोले, प्राजक्ता मुसळे यांनी खेळाडूंना प्रशिक्षण दिले. या यशाबद्दल महाराष्ट्र किकबॉक्सिंग असोसिएशनचे अध्यक्ष नीलेश शेलार, सचिव धीरज वाघमारे, सासवड येथील स्व. एकनाथकाका जगताप प्रतिष्ठानचे अध्यक्ष संतोष जगताप, सचिव हेमंत ताकवले यांनी अभिनंदन केले आहे.