पुरंदरच्या सोमनाथ यांच्या रांगोळीवर ‘बिग बी’ फिदा
सासवड, ता. १५ : सासवड (ता. पुरंदर) येथील रंगावलीकार सोमनाथ भोंगळे यांच्या कलेने थेट बॉलिवूडचे महानायक अमिताभ बच्चन यांना मंत्रमुग्ध केले आहे. सलग १७ वर्षे रांगोळीची साधना करणाऱ्या सोमनाथ यांनी बच्चन यांच्या ८३ व्या वाढदिवसानिमित्त मुंबईतील जलसा बंगल्यावर जाऊन त्यांची थ्रीडी रांगोळीची प्रतिमा साकारत अनोखी भेट दिली.
सोमनाथ यांनी गेली तीन वर्षे सलग अमिताभ बच्चन यांच्या वाढदिवसाला त्यांच्या बंगल्यावर रांगोळी काढली असून, तिन्ही वेळा त्यांना बच्चन यांची भेट घेण्याचे भाग्य लाभले आहे. अभिनव कला महाविद्यालयातून पदविका मिळवलेल्या सोमनाथ यांनी आतापर्यंत बच्चन यांच्या चित्रपटांतील दोनशेपेक्षा अधिक व्यक्तिरेखा रांगोळीतून साकारल्या आहेत.
दिवाळीचे खास आमंत्रण
सोमनाथ यांच्या कलेने भारावून गेलेल्या बच्चन यांनी त्यांना आगामी दिवाळीत लक्ष्मीपूजन दिवशीही रांगोळी काढण्यासाठी जलसा बंगल्यावर निमंत्रित केले आहे. तसेच, बच्चन यांनी सोमनाथच्या दोन पेंटिंगवर स्वाक्षरी करून त्यांना विशेष शाबासकी देत पुरंदरच्या या कलाकाराचा गौरव केला आहे.
05874
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.