सासवड पत्रकार संघ अध्यक्षपदी ताकवले कार्याध्यक्षपदी कड

सासवड, ता. २५ : पत्रकार संघ सासवड शहराची नवीन कार्यकारणी जाहीर करण्यात आली आहे. ज्येष्ठ पत्रकार, दै. सामनाचे प्रतिनिधी हेमंत ताकवले यांची संघाच्या अध्यक्षपदी तर कार्याध्यक्षपदी सकाळचे सासवड प्रतिनिधी जीवन कड यांची निवड करण्यात आली आहे. मावळते अध्यक्ष सुधीर गुरव यांनी या निवडीची घोषणा नुकतीच केली. उपाध्यक्षपदी राष्ट्रसंचारचे राजेंद्र बर्गे यांची नियुक्ती केली आहे. लोकमतचे गणेश मुळीक सचिवपदी, नवराष्ट्रचे संभाजी महामुनी खजिनदार पदाचा कारभार पाहणार आहेत. दोन वर्षांच्या कालावधीसाठी ही कार्यकारणी जाहीर करण्यात आली आहे.
संघाचे बाळासाहेब कुलकर्णी, नितीन यादव, जगदीश शिंदे, संदीप जगताप, गौरव कोलते, श्रीकृष्ण नेवसे, तानाजी सातव, मनोज मांढरे, शकील बागवान आदी सदस्य या प्रसंगी उपस्थित होते.