तळेगाव ढमढेरे येथील सोसायटीच्या अध्यक्षपदी ज्ञानेश्वर भुजबळ

तळेगाव ढमढेरे, ता. २७ : तळेगाव ढमढेरे (ता. शिरूर) येथील विविध कार्यकारी सेवा सहकारी संस्थेच्या अध्यक्षपदी ज्ञानेश्वर भुजबळ आणि उपाध्यक्षपदी दशरथ शेलार यांची बिनविरोध निवड झाली आहे. सोसायटीचे अध्यक्ष रामभाऊ ढमढेरे व उपाध्यक्ष राजेंद्र घुमे यांनी पदाचा राजीनामा दिल्याने रिक्त जागेवर अध्यक्ष व उपाध्यक्षांची निवड करण्यात आली. निवडणूक निर्णय अधिकारी म्हणून अरुण साकोरे व सचिव कैलास लोहार यांनी कामकाज पाहिले.

अध्यक्षपदासाठी ज्ञानेश्वर भुजबळ व उपाध्यक्षपदासाठी दशरथ शेलार यांचे एकमेव अर्ज आल्याने दोघांचीही बिनविरोध निवड झाल्याचे निवडणूक अधिकाऱ्यांनी जाहीर केले. या वेळी सोसायटीचे संचालक शिवाजी भुजबळ, पोपट भुजबळ, रामभाऊ ढमढेरे, विजय भुजबळ, बाळासाहेब ढमढेरे, विजय ढमढेरे, संतोष ढमढेरे, श्रीपती भुजबळ, कमल भुजबळ, पुष्पा भुजबळ, राजेंद्र घुमे, रवींद्र जेधे, ज्ञानेश्वर नरके तसेच मदतनीस सचिन बाळसराफ व हर्षल साखरे आदी उपस्थित होते. निवडीनंतर अध्यक्ष भुजबळ व उपाध्यक्ष शेलार यांचा सत्कार करण्यात आला. दरम्यान, सोसायटीची सभासद संख्या २२०५ इतकी असून, भाग भांडवल १ कोटी २२ लाख आहे. नफा ५४ लाख आणि १५ टक्के लाभांश वाटप करण्यात आला आहे. ऑडिट वर्ग ‘अ’ असल्याचे अध्यक्ष ज्ञानेश्वर भुजबळ यांनी सांगितले.