कोंढापुरीत शनिवारी गरबा महोत्सव

तळेगाव ढमढेरे, ता. २० : कोंढापुरी (ता. शिरूर) येथील आर. एम. धारिवाल विद्यानिकेतन ज्युनिअर कॉलेजमध्ये शनिवारी (ता. २७) सकाळी १० वाजता गरबा महोत्सवाचे आयोजन करण्यात आले आहे, अशी माहिती प्राचार्य आनंदा धोंडे यांनी दिली.
स्पर्धेत सहभाग घेणाऱ्या विद्यार्थिनींसाठी आकर्षक पारितोषिके ठेवली आहेत. यामध्ये सर्वोत्कृष्ट नृत्य प्रथम क्रमांकास ५००१ रुपये, द्वितीय क्रमांकास २५०१ रुपये आणि तृतीय क्रमांकास १००१ रुपये तसेच उत्कृष्ट वेशभूषासाठी अनुक्रमे ५००१ रुपये, २५०१ रुपये, १००१ रुपये स्मृतिचिन्ह व प्रमाणपत्रासह दिले जाणार आहे. याशिवाय सहभागी विद्यार्थिनींना त्यांच्या कॉलेजपासून मोफत बस सेवा पुरवली जाणार आहे. यात तालुक्यातील ज्युनिअर कॉलेजमध्ये शिकणाऱ्या विद्यार्थिनींनी स्पर्धेत सहभाग घेण्याचे आवाहन धोंडे यांनी केले आहे.